طفل ضايع على خده ملآمح شايب مكسور
.......... ضنّاه الهم وَ اغراه الزمان وَ مات بيديني !!
اشوف مرآيته سوداء .. ولعابه حطام قبور
.......... وبيته غرفه من طين .. وأقلامه سكاكيني !!
دفنته وانتهت قصة غرآم .. وشاعر مغرور
......... وأخذت من الدموع اكتب مكانه وين من عيني ؟!
لقيته في مناديلي !! يصيح ويشعل التنور
......... يقول : آرجوك ياصاحبي تلملم غربة سنيني !!
يقول : صبري البآرح تمادى حده المسعور
......... وانا من ذقت غربآله ؟ طرالي بيت يبكيني !!
لو أغرق في بحر حبه أو آشرب من عنآه بحور
......... [ قسم بالله ما تنزل غلآته من / شرآييني ]
بكيت .. وقال : يا ابن آدم انا الميت / انا المقبور
......... علامك كل ما جيت .. تزيد من القهر فيني ؟؟
وقلت : الناس يا ابن آدم تجي لك كل يوم بدور
......... تجي في الصبح تفرحني .. واذا طابت تبكيني !!
اشووف الهم يسرقني .. وأثاري همنآ مقدور
......... مدام الليل مايدري .. علآم الويل يشقيني ؟!
ومدام الصبح يسرقني .. تعآل اكشف المستور
......... حكايه من غرآبتها .. بدون شعوور تطريني !!
مدينه سورها ضايع .. و شارع شاعره مبتور
.......... و حديقه في مراجحها نبت ورد وشياطيني !!
و دفتر مّله الشاعر رسم فيه [ الغرآم قصور ]
.......... و قصيده من جرائتها تقول : آلعن عناويني !!
و بيت بأخر الشارع يمينه .. شارع مشهور
......... يساره .. شارع آغبر عليه ابكي دوآويني !!
ومره في لياليها لقيت .. آني بدون شعوور
......... بديت آحب لي طفله .. على الآوراق تغريني !!
بديت آرسم ملامحها .. ليالي حظها المأسور
......... وبدأ طيش السهر ليله .. بدون احسآس يسقيني !!
وبدأ يشرح معاناته .. وانا من [ داخلي مقهور ]
......... وبديت آشرح معاناتي .. وهو مثلي يواسيني !!
كبرت وشفتها تكبر .. حقيقه تنتمي لسطور
......... مابين احسآس يوصلني .. إلين احسآس يخفيني !!
شعرته ليلة ظلما .. لقيته غادتي والنور
......... ذخرته في مكاتيبي .. و جنيته حب يحييني !!
أحبه كثر ما مّرت من ايام الغرآم دهور
.......... أحبه كثر ما تمطر سحابة في بساتيني !!
أحبه كثر ما مّرت ثواني حبنآ بشهوور
.......... أحبه كثر ما تطّري ذنوبه في موازيني !!
أحبه كثر ما طآر الحمام وغرد العصفور
......... أحبه كثر ما حرفي سأل من حيرته ويني ؟!
أحبه كثر ما أزعل من آيام الجفا وأثور
.......... أحبه كثر ما يسّري خيآله في مياديني !!
نبت له بالخفى ورده / سقتها دمعتي بسرور
.......... قطفها بس بالقوه وانا مذهول وش فيني !!
حسبته يوم قطفها .. يقوم يقول لي : مشكور
.......... ولكن رآح من عندي .. وانا الآحزان ترويني !!
دخيلك ليه تجرحني ؟ وانا آرسمك لشذاي زهور
.......... دخيلك ليه في بحرك بدون شرااع تنسيني
اتمنى ان تنال اعجابكم