السلام عليكم ورحمة الله وبركاتة
هاذي قصيده اعجبتني فحبيت انقلهاا لكم
...ان شاء الله تنال اعجابكم
صباح الجرح ياجرحٍ نزف في صفحة الاحزان * صباح النوح والصمت الطويل وقسوة سنيني
صباح الهم والضيقه صباح البوح والحرمان * صباح آلام عمري يالدموع اللي بكت عيني
صباح الحزن ياحزنٍ بوجهي صار له عنوان * تعرّى في ملامحْه وجهلْه اللي يحاكيني
يمر الليل واحزاني تراودني وانا سهران * وصبحي تنجلي شمسه وانا همومي تخاويني
لك الله يازمن يكفي ترا مليت هالكتمان * ترا مليت ضحكاتي بوجه اللي يواسيني
أحاول أخفي جروحي واعايش قسوة الازمان * واذا قالوا عسى ماشر اقول ابداً وانا فيني
وانا احمل داخلي حزنٍ تعدى طاقة الإنسان * قدرت اخفيه وأتْجاهل ندا جروح ٍ تناديني
الا يالله تغفر لي ذنوبي ياعظيم الشان * والا يالله في عفوك عن همومي تسليني
مساء الخير ياجرحٍ نزف في صفحة الاحزان * مساء النوح والصمت الطويل وقسوة سنيني