منتدى روحي تحبك


أهلا وسهلا بك إلى منتدى روحي تحبك.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

الرئيسية♥البوابـــــة♥بحـثقياس سرعة النتالتسجيلدخول

منتدى روحي تحبك :: التكنولوجيــــا الحديثـــــــة :: منتــدى الجـــــوال :: منتـدى الـsms والوســـائـط

شاطر

17.12.09 19:36
المشاركة رقم:
عضـو صـآعــد

avatar

إحصائية العضو

عدد المساهمات : 117
نقاط عضويتـك : 180
التــقيـيـم : 4
ذكر
الـمزآج : D
الأوسمــة :
مُساهمةموضوع: مجموعة sms مختلفـه


مجموعة sms مختلفـه


الســلآم عليــكم ,.

كيفكـم شخبـاركـم ؟

ندخل بالموضوع طوالي

اوقات ادخل قوقل وافرفر ع مجموعة كبيرة مسجات طبعا قصيرهـ او طويلـه

وانا الحين بسدح مجموعه من اللي الطشها

تفنزلو .:.


لا مايكفـــيني معك بعض الأوقـــــــــــــات
خل الــتغلي عنك لا صـــــــرت غـــــــــالي
إن كان وقتك من ذهب بـشري اللحــــــــظات
أسمع بها صوتك ويرتاح بــــــــــــــــــــــالي
أشتاق لك شوق الهوى للمسـافـــــــــــــــات
وأشتاق لك شوق القــمر للــــــــــــــــــيالي


تكلم يا بعد عمري فضفض بالذي همك
انا ماقوى على شوفة حبيبي ضايق و مهموم
تكلم و احرق دموعك و سط قلبي و انا اضمك
عساها تنجلي من احزانك بقايا غيوم
حرام الوقت يتألم و هو عاجز يفهمك
حرام اكون من ضحكة عيونك انا محروم

=======================
اشكي همومي و اشكي البعد مرات
واحيان اعيش بصمت و اذرف دموعي
لك صورة ما باعدتها المسافات
ولك ضحكة تعكس صداها ضلوعي
طيفك يمر بهاجسي كل الاوقات
واحني لها الهامات و اعلن خضوعي

========================
حاربت انا الدنيا و اخذت البطولات
و يوم حاربت طيبك
ذقت طعم الهزيمه!


اذا بيوم قالولك من يحبك ناسيك
قولهم بكل ثقة
كيف ينسى الغروب الي من الفجر صايم؟!

امنتك الله لا يطول غيابك
وش تنفع الدنيا بليا وجودك
يمكن غيابي ما يسبب عذابك
لكن عذابي يا عذابي صدودك
حاسب ضميرك و لا تعجل في عتابك
وين الاماني وين باقي عهودك
غالي و تبقلى غالي في غيابك
لكن يزيد من غلاتك وجودك
==================
أجمل زمن في ظل حبك قضيته
وأحلى قصيده قلتها فيك ولهان
والعين تهوى كل درب مشيته
والرجل تاطى لك شعوب وأوطان
حبك هو اللي فالحياة أرتجيته
وعرفت في قربك معنى غلا إنسان
===================
في غيبتك كني مع الهم موعوود
دااخل على الله لايطووول غيااابك
يااخي حياااتي صاارت أياامهاا سووود..!!
يرحم أبوووك تشيل عني عذااابك..
من كثر ما أنا شفت في حبك صدووود
اخاف تلقى جثتي عند بابك!

على خدي أحط إيدي
واعاود ذكرى أيامي
وأدور احلى ما فيها
وأشوفك أنت قدامي
*************

أبعد
أغيب
أختفي
شعلة غلاك ماتنطفي
عيني عليك لو ابتعد
وقلبي معك صادق وفي

*************
ليت الهدايا بقدر الحب نهديها
والله لأهدي لك الدنيا ومافيها
*************
أحبك
ماأحبك
أحبك
ماأحبك
ياربي خلصت الوردة بس مالى شغل أحبك
*************
دعيت ياربي
لاتحرمني منه
قالوا كل هذا حب؟
قلت شفتوا قلبي
هذا قطعه منه


بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك

بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي

يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..

صعب جدا تلاقيني
أنا جوهر بحر مكنون
أنا لوتقلب الدنيا
صعب جدا تلاقيني
جمالي من حلا روحي
وكل الزين من زيني
تصدق عاد يا خلي
أنا كلي
بكل وصفي
بكل زيني
عجزت أوصل
ربع زينك

أبكي قصيدة وأشبك البيت بالبيت
وأشكي قوافي الليل من كل ضيقه
وأدخل بحور الشعر لا من تجليت
وأغوص في وسط البحور العميقة
في حبكم لاني بحي ولا ميت
كني كسير الطير ماله طريقه

ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام

أنادي من سكن بأقصى فؤداي
على من هو نفس روحي وزادي
على من هو حرم عيني رقادي
أنا أهــواه
يزور العين طيفه ثم أضمه
وأحس أن الهوى عطره وأشمه

تدري إني موت أحبك
وان مالي غير حبك...
واللي ينبض في ضلوعي
ما هو قلبي هذا قلبك..
تدري يا فرحي وهمي..
من كثر مانت في دمي
كل ما تنظرك عيني
عيني من عيني تسمي..

الغلا يا حبيبي أنت والوله يا قلبي
والألم يا عمري أنت
أنت كل إحساس فيني
أنت كل أحلام عمري
وروعة الدنيا بعيني
خذ غلا عمري وجرحي
خذ عناي وخذ هناي
بس لي عندك رجاء :
الطف بقلب يحبك ويموت فيك !

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب

ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ما ضيه
وحقه عليك أنك تقدر ظروفه
بأخــتــصــار
شخص عطاني وده ما نيب ناسيه
ومن شرى ودي أنا دايم الدوم شاريه..!

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده

إن عاش راسي و اسعفتني سنيني
لروي ظمأ قلبي بقربك و اهنيه ..
و لو يزرعون الغام بينك و بيني
نذر علي لامشي لك الدرب و أطويه ..
و اشيل روحي فوق راحة يميني
و ابيع عمري لاجل شوفتك و اشريه ..

أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..

تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني

طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك

للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب

ابرفع قضية على الدنيا ومافيها
واول قضية برفعها على حالي
وبشعل النار في نفسي واطفيها
واكشف خفايا الروح وافضح هبالي
خلاص ماني مكحلتها ابعميها
احوسها واقلب الاول على التالي

أنا قلبي من كثر شوقي
ملا صدري
وانا صدري من كبر قلبي
نفذ صبره
من صباح الخير لين الشمس
ماتسري
ومن مساء الخير لين نصير
في بكره
والغلا في داخلي مثل النهر
يجري
ليتك تدري بغلاك داخلي
وش كثره

ناس تفكر همهم..يسعدونك
وناس تفكر كيف تقدر..تبكيك
لا تشتري من حاولو..يخسرونك
ولا تخسر اللي فكر بيوم..يشريك
مافي اجمل من صديق..يصونك
ولا فيه اقسى من قريب..يعاديك
اكبر قهر لا صار ناس..يبونك
وانت تبيهم بس حظك..لعب فيك

خذني جريح شعور يعشق وصالك
ينزف جروح العشق وايامه شهود
خذني غريق احلام عانق خيالك
يرجي سحاب ايديك والشوق موقود
خذني بقايا انسان كلي حلالك
اسكن عروق القلب والشوق موجود

محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار

غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
والا بقلبي يعلم الله رصيدك
إن جيت وان ما جيت باقي لك الشوق
والقلب مثل ماهو على حطة يدينك

ما كل عين تذرف الدمع بأحزان
وما كل من يضحك يعيش بسعاده
كم واحد دمعة على الخد هتان
من زود همه يذرف الدمع عاده
يحاول انه يبتسم قدر الامكان
ويضحك ونار الحزن تحرق فؤاده

كل الهموم وكل ما كنت اعانيه
تروح لحظة ما اتذكر طيبك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم وحبيت كونك
في داخلي إحساس أجهل معانيه
بس الأكيد كل المشاعر يبونك

اشتقت لأيامك وجيت أنشد الوقت
وين الحبيب وضحكته وأمسياته
ليته يوسع خاطري لا تضايقت
مثل الكفيف ان قربوا له عصاته
ماهو زعل لا شفت وجهه ودنقت
العين تخفي في نظرها غلاته

سر يا قلم واكتب عظيم اشتياقي
للي لهم بمجلس الطيب مجلاس
قدرك على راسي سوات الشماغي
بالطيب مانلقا شبيهك مع الناس
انت العطر دايم على الجو طاغي
وغيرك حطب دخانهم يوجع الراس

ليتك يا ريف النشاما لنا جار
يوم اجيك ويم مثله تجيني
وليت المسافة بيني وبينك جدار
والباب بنص البيت بينك وبيني
حيثك عزيز ولك مع العز مقدار
وايضا تساوي بالغلا مثل عيني

لولا اختلاف أذواق وأذواق وأذواق
ما شفت أجمل من جرحني غيابه
يا أعذب وأرق من الندى عند الاشراق
وألطف من النسناس لا سرج ركابه
تدري وش اللي محرق قلبي احراق
انك بعيد وحزن الأيام غابه

يوم ما تنشد عن أحوالي
أقضي الساعات مهموم
غيرك مالنا غالي
واهتمامي فيك ملزوم
افرح بهاتفك ليا جاني
جايب لي منك العلوم
أو مسج يخطر لك في بالي
ترسله لو كنت مزحوم
محدن في ذا الزمن خالي
كلن يقاس ومهموم

بحق الحب سيري يا حمامه
لطيف الروح هاتيلي سلامه
وودي له تحيات المودة
على الطايروهاتيلي كلامه
وقولي له ترى هجره سطا بي
وفي قلبي من الهجران شامه

لا كتبت اسمك تزين لي الحروف
ولا نطقته صار في لساني حلا
صدق أنا أحبك ولكن فيني خوف
خوف نتفارق بعد ذاك الغلا
لا تقابلنا يسكنا الكسوف
ضاعت الكلمات مني يا غلا
كانت الكلمات في لساني ألوف
ويوم شفتك ما ذكرت إلا هلا

افرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك

انا غريب الدار من بعد فرقاك
وانا سعيد الحظ لاصرت جنبي
يا صاحبي روح وفكري تمناك
من وين ما اوجه اشوفك بدربي
يا ليتني دايم على طول وياك
ارتاح في شوفك ويرتاح قلبي

طال البعاد ولوع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالأيام مره

سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان
ودي أكتب والقلم عيا يطيع
مدري الأشواق والا انت السبب
كيف أعبر والحكي مني يضيع
اسعفيني يا قواميس العرب
يا حروفي اشعر بشي فظيع
في خفوقي نار وأشواقي لهب
هذي أقلامي بكسرها جميع
في سكوتي تصبح أشواقي ذهب

أخــذت حـبـي وودي
وكـل أحاسيسي الرقـيقة
تـرى قلـبي على قـدي
وانـت دلـيت طـريقـة
تـبي جـوابــي وردي
ومشـاعري عـالحـقيقة
لـو هي ظـروفي بيـدي
مـا اغيـب عنـك دقـيقة

أبيك تصدق إنك لو تغيب
العمر ماأنساك
وابرسم للعلا صوره
ملامحها انا وياك

شاركني القلم في حبك
فصار مايكتب الا اسمك
فصابتني الغيره
وكسرته لاجلك

محد كتب أحبك وكان
عارف معناها
بس أناكتبت أحبك
وبالوفا سطرت أحلى
معانيها

ياصاحبي ظلمة الايام
بلياك ونورها لما نفرح
بلقاك مهما تغيب لك خل
ماينساك

أنا لست
أحد سلاطين الحب
ولاملكا من الملوك
ولا املك عصا سحريه
كي
"أجبرك لمحبتي"
ولكنني "عاشق" مرهف
الاحساس
لا املك كايملكه غيري من
مال اوجاه
لكنني املك!
" حب "
أتحدى به كل العشاق
على مر العصور!

يعلم الله أن في هالدنيا
الناس اشكال واجنا
منهم تشوفهم مره.. و
تنساهم بالمره.. وناس
تلقاهم صدفه.. وماتقدر
تنساهم بالمره..!!


مادريت اني احبك لين قلبي مات فيك
مابيك تموت فيني بس ذوقني غــلاك
________________________________
في غيبتك تثقل علي الدقايق
والوقت مع غيرك ماعاد ينطاق
ربطتني مابين عهد ووثايق
وخليتني بس للقصايد والاوراق
واليوم اقولك دون كل الخلايق
ماعيني لغيرك من الناس تشتــــــاق
________________________________
مشتاق صدقني لعطفك وراجيك
ارجوك لاتكسر عيوني بفرقاك
رغبه طفل كلي يحبك ويغليك
كنك حنان الأم والجنه أرضاك
ياحبي ماهو هين انسى واخليك
يلعن ابو العشرة اذا القلب ينساك
________________________________
غطيت في نومي ثواني وشفتك
واسقيتني حلو العسل من شفاتك
حضنت بعضي واحسب اني حضنتك
الحلم جابك وانت بأحلى صفاتك
ماذقت في عمري حلا لين ذقتك
الذ واحلى من حلاتك حلاتك
__________________________________
من جرب الخمره يصحى بعد حين
لاكن من جرب طيبتك
في ذمتي يموت سكرااااان ؟
____________________________________
قالوا تتوب قلت انا اتوب ماتوب
عن حب ذاك الشخص ماني بتايب
باللي صرفني عن هوى كل محبوب
خلاني ادله عن جميع الحبايب
اقسم برب رد يوسف ليعقوب
منساك لو تكثر علي المصايب
___________________________________
انا تعلمت الهوى تحت يمناك
درست معنى الحب حسب اختياري
مبغاك تعشقني ولكني أبغاك
لاضاقت بي الدنيا تصير داري
وابيـك لامن تزاعلت ويــاك
ترضي غروري قبل اجيب اعتذاري
وابيك تدري لو بحاول بفرقاك
أني بحـــاول وقتها بأنتحاري
________________________________
اطيب قلوب الخلق ساكن بجوفك
وشلون ما احبك وهذي سواياك
وشلون ما احط قلبي بكفوفك
ياقلب قلبي وش حياتي بلياااااك
________________________________
احتمال انساك لكن قل متى ؟؟
لا انتهى الاحساس او مات الشعور
او يغيب البرد ويتبدل دفى
او تحس الارض من حولك تدور
او يصير الصيف في عزه شتا
او تشوف الحرف مع غير السطور
او يجف البحر او اموووووت
_________________________________
لو لعنت ابو جد الغلا وجد مثواي
ورثعت في قش الغلا ماكرهتك
حامض على بوزك انا اهديك فرقاي
لو تجتمع كل البشر ماتركتـــك
ابك انت لك ذكرى من سنين وياي
لامن نويت انسى عيونك ذكرتني
___________________________________
لو يفارقني وجود مايفارقني غلاك
يكفي اني اعزك حتى لو ماني معاك
__________________________________
اضيع بدنيتي وارحل اذا شفتك علي زعلان
وابيع الكون من شانك وحياتي لك اخليها
رجيتك لاتخليني اذا كثرت بي الاحزان
ابيك تكون بجنبي وكل الناس مابيـــهـــا
___________________________________
يكفيني بس انت لامن قلت وشلونك
تطيب كل الجروح ويتخلف لوني
اغليك في ذاتك واغلي اللي يعزونك
وان شفت زولك شعرت بقيمة عيونك
يمكن انا اكون اعز الناس بعيونك
بس انت والله كل الناس بعيوني
__________________________________
الاماكن ..!
أه ياضيق الأماكن لانظرت
ومالقيتك !
ولاتنهدت وبكيتك
ولا انتهى ليل المولع دون وصلك
وانتهيتك !
الاماكن كلها نفس الاماكن ...؟؟
هم + اشباح + مساكن ...!
وانت وينك
ياهواي العذب
يادنياي وينك ..؟؟؟
__________________________________
يامن اخذت القلب والروح وياك
< احبك >
لاتفتكر في يوم ابعد واخليــك
__________________________________
يحسبني يوم سلم ماسمعته
سامعه بس أتغلى عليه
قلت ابثقل بس ثقلي ما استطعته
وابتسمت وجيت لمعانق يديـــه
يحسب اني يوم مارديت بعــته
مادرى اني بكل عمري مشتريه
والصراحه يوم سلم ماسمعته
كنت افكر كيف انا اسلم عليـه
___________________________________
خذ كلمتي يوم حال البعد من دونك
< وحياتك ماخليك >
شوفتك لو اني بوجـــه الموت تسعدني
--------------------------------------------------
أسألك بالله وش سويت فيني
وش سرهالشوق اللي يجيني
قلبي طول وقته معك
مايبيني
أسألك باللي عطاك
هالعيون
أسألك بالله يالقلب الحنون
كانك تعرف سرها الشوق
إنك تقول وش يكون؟
هوغرام
أوإحترام
أومرحلةحب
أوجنون
~~~~~~~~~~~~~~~~~
أناماأبي من الدنياسوى لحضة لقى وحده-
أبي أطيح من طولي على صدرك وتحضني!!
تعبت أشدبك حبل الشوق وأمده..
أبي أشكي على صدرك عطش هالحب !!
أرويني..دخيلك لاتخليني ترى صبري وصل حده..
"أهيم بعالمك طفل أمانه لاتخليني؟؟!
"أحبك"
~~~~~~~~~~~~~~~~~~~~
تعلمت ان العطا لوزاد عن حده خطا
تعلمت ان الجميل مايملا كفوف البخيل
تعلمت ان العيون اذاعشقت تصير ستروغطا
وان أصدق دروب المحبه ماتبغى دليل
بس إنت
<<أغلامن مشى على الأرض ووطا>>
وصدقني
"غلاك مومحتاج لدليل
~~~~~~~~~~~~~~~~~~~
خل السوالف أنا مشتاق لعيونك.
عجل وشف لك طريقه نلتقي فيها.
لاتخلي الشوق يذبح حال مجنونك.
لاجتك فرصه طلبتك لاتعديها إترك هلابك وكيف الحال وشلونك.
جلسه معك تسوى الدنياومافيها..
~~~~~~~~~~~~~~~~~~~~~~
ِانا وشلون أبتغلى وكل اللي معي يفداك
وأنا وشلون أناديلك ومثل الروح تسكني
وصفتك للخيال .. وفز من طوله يبي لقياك
وترى عن وصف باهر وصوفك عجز فني
حبيبي وين أدورلك شبيه بس في طرياك
وأنا ياوين ألقى لك كلام بك يجملني
أبسكت دام كل اللي بقوله فز وجاك
تصور هالكلام اشلون من حبك هرب مني
رحمت البدر بوجودك
حشا ماهوب متهني
تصدق ... لودرى هالنحل عن طعمك وعن ملفاك
ترك كل الزهور وجاك وخوفي انه (يشاركني)
تعال ... أبجمع الحسبه
وبحلف بالذي سواك
إذا موتي على يدينك أنا طالبك تمهلني ..
~~~~~~~~~~~~~~~~~
ودي أحطب لك ضلوعي وادفيك
وألحفك بالرمش لاصرت بردان
اسكنك في عيوني ان كان يرضيك
وتصير عيني لك وطن مثل الأوطان
واضمك لصدري ¤غلا¤ لين يرويك
عذب الحنان اللي فقدته زمان
واعطيك عمر جايك اليوم يهديك
اجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان
ياحبيبي انت الوفا والوفا فيك
يرسم ملامح ضحكتك وانت عتبان
لاتستحي واحضن يدي داخل يديك
ثم شدني وارضيك ان كنت زعلان
ابي افتخر فيك واتبختر وأناديك
وأقول
هلا بحبيبي اللي سكن بين الأوجان
ياحياتي والله لأعطيك واعطيك
عمري وعشقي فدوتك
ياأعذب انسان
انت الهوى والقلب بالحيل يغليك
انت حبي اللي رويته بدمع الأجفان
وانت حبك أشوفه يملي علي
كل هالكون وحتى لوفيه غيره أكوان
(أحبك موووووت)
~~~~~~~~~~~~~~~~~~~
كبيره لهفة العاشق /يتيمة صرخة المعشوق
رحيمة كلمة منك /تخفف يالغلا نوحي
عطيتك عشق من قلبي/كريمه والليالي شحوح
سهرت الليل بغيابك /سهرته كله بروحي
أحبك يابعد عمري /وحبك في حشاي جروح
أحبك لو علي تقسى /حبيبي والله مسموحي
حزينه في رجا نجمة/سناها ليه مايلوحي
تمنيت القدر مرة /يغير ما أنكتب باللوح
عرفت إن القدر حكمة/وربي يسمع لبوحي.
~~~~~~~~~~~~~~~~~~~~~~~~
ماحلا كلمة هلا اللي من لسانك
تعطي الروح العليله معنويه
ليتني حنى تخضب به بنانك
أو روايح عطر في خدك زكيه
أو قلم تستخدمه في امتحانك
وأنت تدرس في الصفوف الجامعيه
آه ليته يجتمع شاني وشانك
كان أعيش العمر في دنيا هنيه
~~~~~~~~~~~~~~~~~
غمضت عيوني
وكنت من التعب ميت
ساعتها تذكرتك
تمنيتك
تخيلتك
بداخلي...ورده من الحب تشتاق تناديني تعال بأعطيك حبي من
الاعماق...وقتها
نسيت نفسي
نسيت ارتاح
نسيت اني من التعب ميت
ولقيت الرووووح لك ولهااااانه..
~~~~~~~~~~~~~~~~~~~~
أبيك تعرف إنه لايمكن إحساس قلبي يخليك
لوالشعوربداخل القلب مات..
العمريمضي،،،
ونصه يناديك،،،
والنص الآخر..يمسح بدموع الآهات..
-مستحيـــــــــــــــل-
اتخلى عنك وأقول ناسيك...
(..أنا..)لأخريوم في عمري بأكون وياك...


أنا اعشقك واحترق لك شـوق واعانـي
واقول وانا احبك .. بس هه يعنـي ...!!
وأضمه وانثــر اجمـل طيـف باحضانـي
وليا انتثر قال تكفـى جمعنـي
رحت اجمعه واطلـب الرحمـن ياقانـي
نـــــــار المفـارق ولا انـه فيـه يفجعنـي
اللي كـــما الـدم يجـرى وسـط شريانـي
اخـر بشــــــــــــر آتمنـى انــه يودعـنـي
اشهـــــــدك يـارب لــو راح وتنسـانـي
انـه معـي ليــــــــن ذكـرانـا تشيعـنـي،،ــ،،

كنت أفكـــــــــر.!!
وكانت "أحزاني" كبيره
كانت "همومي" على قلبي كثيره..
كثر ماتطري على بالي "عيونك"
وكثر مااطالع واشوف الدنيا "من دونك" صغيره..
كثر..ماسالت دموعي.!
كثر..ماصاحت ضلوعي.!
يوم عاشت لحظة لقاك "الأخيره"
كنت احس إني "وحيد"
عايش لحالي..بلا أهل وعشيره.!
كني "طفل" تاه بالصحرا ولايعرف مصيره.!!
فجـــأه.!!
شفتكـ
مدري كيف.؟!وشلون.؟!
لكني لمحتكـ..
وبس شفتك "انتهت" رحلة عناي
وجيتك اركض..
تارك دموعي واحزاني وحرماني وراي..
تارك ايامي التعيسه..تارك همومي وشقاي..
جيتك اركض وكلي شوق..
فاتح ايديني بلهفه..
ودي اضمّك..
ودي باحساسي المّك..
ودي اشكيلك واحكيلك عن ايامي "في بعدك"
ودي اسأل:
عشقي باقي ياحبيبي يعيش في دمّك.؟
ودي اتناثر بحضنك واتحسس.!!
هو بقى لي باقي في حضنك..
بس خساره.!!
قبل "اوصلك" انتبهت..وانتهى ذاك الحلم..
واثر هذيك السعاده مو سعاده.!!
اثرها كانت..سراب
اثرها كانت..خيال
اثرها كانت وهم
ومن جديد!
عاد يجلدني الألـم..
وعاد يطعنّي غيابك..لا رأف بي ولا رحم..
آآه
ياظــــــلم السعاده
وأأه ياكذب الحلم.!
مشتاقه لك


رد علي
بدافي الصوت لا
أموت
عطني حنان الصوت لو
ماتجيني
ياليت مااسمع غير
صوتك ولا صوت
صوتك يحرك كل الاحساس فيني
وش ينفعك لاجتك
روحي في تابوت
قالو ||توفـــــــــى||ومطلبي
كان صوتك يحييني....!!

ابي أكتب قصيدة حب أبي تفهم معانيـــها
اريدك بين هالعــــالم تفاخر يوم تقــــراها
أبيك لحروفها تطرب أبي غيرك يغنيــــها
أبي لامن سألك أنسان من اللي فيك سواها؟
تقول: اللي سكن قلبي وروحه بي معنيــها

مـنت رايـق ..
فيك شي ومتضايق ..
مـانت فـي طـبعك ..
ولا هذا مزاجك ..
الـتفت لـي ...
شـوي .......... محتاج لدقايق ..
انـا
مـاصدقت
اشـوفك
وانـتواجه
ودي "اطـفي " >> بـشوفتك
(( نار الحرايق ))
ودي "انـسابك " >> ((ردى الـحظ وعجاجه ))
عش
معي
في
فرحتي
وانسى
الخلايق ..
: : : واسـمع : : :
لـرعشة + خفوقي واحتجاجه +
== عـلم مـابينك وبـين الـما عوايد ==
== مـن رحيق ازهار روضي وابتهاجه ==
لـيه ؟؟!!
تـخفي يـابعد روحي الحقايق !!
يـسألك ..
قـلبي دخـيلك بـس ناجه ..
ويـن عـني ؟؟؟
شـارد عـنظره توايق !!
مـانت فـي " حـالة ظلام ولا سراجه "
آه ...
يـاحلوك عـليك الـحزن لايـق ..
* يـاجعل ربـي
يـعجل فـي انفراجه *
جـت ...
تـسائلني ...
((( عـلامك منت رايق ))) ؟
قـلت ::
(( رايـق بس ابكتب فيك حاجه ))

"أحبك" آخر اخباري..
وآخر ماورد بالكف..
"أحبك" وابعد حدودي..
سلام وأقربه نظره..
"أحبك" بأول إحساس..
داعب مهجتي ماكف..
"أحبك" إيه أنا "أحبك"
بقلبٍ ماعرف يكره.!!
هذي فنه اشواقي..
أبعثرها قصيد وحرف..
أجيك ململم "جروحي"
وصوتي تخنقه "العبره"
أجيك بخاطرٍ مكسور..
وعين ماتغض الطرف..
أجيك "بلهفتي" وينك.؟!
فؤادي ماحمل صبره..
أبيك تسابق شمسي..
بعد من الصفر للألف.!!
بحط ايدي على خدّي..
واقول امتى يجي بكره.!!
بكحل ناظري بشعة..
جبينك يالغرام العف..
ويسعد لي صباح الّي..
تصبحبك على الفطره..
أنا ادري ماعرفتني.!!
تشابه في سماك الصنف..
صوابع ايدك بكفك..
واذا هي تختلف قدره..
أنا ادري في البشر عمله..
رخيصه في بنوك الصرف..
أنا اعرف في البشر معدن..
ثقيل يرجح الصخره..
سألتك باللذي زانك..
أنا ويني بذاك الصف.؟
أشوف المعجبين كثار..
واخاف تطول النطره..
رجيتك لاتجي بدافع..
مايسمى "العطف"
تراي مااملك إحساسي..
إذا قلبي بدا يشره..
"هذي آخر اخباري"
وآخر ماورد بالكف
وانت وشهي اخبارك.؟
عقب الّي سبق ذكره.!!


على البال
(( كل التفاصيل ))
على البال
(( واحلى التفاصيل ))
على البال
والحل والترحال
والنار والهيل ..
والقمره اللى نورت
ليل ورا ليل ..
: : والنظره المكسوره : :
: : والبسمه المقهوره : :
: : والخطوه المغروره : :
وأحلى المواويل
دايم على البال ..
مـــدري الــى الــيـــوم ..
ولا الـــزمـــان أنــســـاك ..
يـــا قــلـبـــهــا قــلـــبـــــي ..
مـــدري الــى الـــيـــوم ..
تـولـــه عـلـى مــضـنــاك ..
والا انــتـــهــــى حــــبــي ..
يـاقـــايـــد الـــريـــم
:: ذكراك ::
ما غيبت عن خاطري ساعه
الروح
لك
يا ساكن الروح
.. نزاعه ..
مـتـى الـوصــل !!
.. قول ..
أبـــجــيــك ،،
وأسابق الساعه ،،
ياللى على البال
،، كم ،، شمس ،، غابت ،، وأنا ،، أشوفك ،،
،، شمس ،،الضحى ،،اللى ،، تباريني ،،
وإذا
منع
جيتك
خوفك
نورك
فلا
غاب
== عن عيني ==
الحب تدري ..
ما هو بيدي ..
سيدك تراه
الهوى
.. وسيدي ..
أبـــيــــك تــبــدا مـــواعــيـــدك
ولا أبــبـــدا مـــــواعــــيـــــدي
يــــالــــلــــي عـــلـــى الـــبـــال


تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بـعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشـقيـني
زمن فيه الأنا تقتل مشاعر بين روح وروح
وعلى كثر الألم منها صار الفرح مجـفيني
شوف الواقع المؤلم يعشق شوفة المجروح
رسخ في داخلي كلي ووده حيل ينهيني


أقدملك
كلمة
(أحبـ ـ ـكـ)
مع مشاعر ما تبي
(تهدكـ)
وهمس يذوب على
(خدكـ)
وشوق يغني على
(قلبكـ)
وعيون بس تبي
(تشوفكـ)
و أذن ماتبي تسمع غير
(صوتكـ)
ولي قلب يصون
(حبكـ)
ما أقدر أقول شئ ثاني غير أني
(% موت أحبـــــــــــــــــك %)
أنت ..
ياللي حبك بقلبي ..
كبير
لا يصيبك شك..
في حبي ..
لك ..
يوم غيرك صار لأحساسي أمير..
أنت من فوق البشر صرت
"الملك"
وجيت
أغنيلك
على اللحن القصير
الاماكن.. كلهاااا... مشتاقة لك


نسيت إن السهر : أحلام
إلى شفتك كذا .. منضام
أجيك من .. آخر ضلوعي
أجيك من أطرف الأيام .!
وأمسح دمعك و كحلك
وأحط إيدي وساده لك
وأقولك :
بس حبيبي نــام
عشاني بس حبيبي نام

لو الهَوى المَحبوسْ
في جوفْ صَدري..
يِظهر على الدِنْيا,,
غِشى كِل العالم هِيَام..
فيني غرااااامٍ,,
فوق مَحْمول صَبري..
وفيني خيالْ,,
فوق تَصويرْ الاحْلام..
صِباحْي اسرحْ لِك,,
وفي ليلي أسْري..
واذا هِجعْ فِكْري
خَفَوق الهَوى قَاااامْ..
والله مَالي غير
الاشَواااق عِذْري..
واللي عِرف شْوق
المِوَاليْف مَا لام..
^
^
^
^
أبي (أحبك)
لين أحسك بروحي
أبيك (شوق)
يمتلي فيه صدري
أبيك (فرحه) ....
" أبيك جد و مزوحي "
أبيك (عشق) ...
أبيك (فرج) ... لجروحي
أبيك ....
تطرد كل غربة بسهري
أبيك ..
(قلب) قبل ما أدعيه يوحي
أبيك ..
(حب) ينطفي فيه قهري
أبيك ..
(روح) تحتضن صدق بوحي
أبيك ..
(وجه) لا ظهر غار فجري
أبيك ..
(واقع) لا ظهر مايروحي
أبيك ..
في سود المقاييل ظهري
أبيك ..
قلبي وأبي قلبك سموحي
أبيك
<< حب يمتزج وسط روحي >>
رفع قدره ...
و إرتفع فيه قدري >:::::::::::;;
كيفي أنا .. أحب منهو أحبـة ..
مالك شغل باحساس قلبي ومافية ،،
كل حي فينا له تصرف بقلبة،،
والكل حر .. باللي يحبة ويغلية ،،
قلبي عرف من وين ياصاح دربة،،
لاتنحشـر باللي يهمة ويعنيــة،،
![ أحــــب منهـــو احبــــهـ ]!
فكرت مرة أخطفك ليل وأنـحــاش،،
و صـمـمـت مـن قـلـبـي أنـفـذ قـراري...
وفــعـلاً لبست حزام ناسف ورشاش،،
ونويت أسـوي بـك هـجـوم انـتـحــــاري...
مــانــي بـإرهـابـي ولانـي بـغــشـاش،،
مــجـنــووووون فـي حـبـك بـغـيـراخـتـيـاري...
![ أحــــب منهـــو احبــــهـ ]!
? لبّيـــــــــــة ?
رديــت أنــا لعيــون .. حضرتك .. لبيــــة،،
كنّـي شعرت إنك .. تبيني وجيـــتك ...!
مدري احاسيسي على وجهها ليــــة ؟؟
لامــن طرالي ناظرك جيــت بيتـك ..
أنــا أشهد إن القلب سلّمك .. تاليـة ،،
بس آه ليتــك تحفـــظ القلب .. ليتـك ..!
![ أحــــب منهـــو احبــــهـ ]!
? غالي عندي يالغالي ?
من عيــوني تطلب وتامر .. بعد ..
كـم .غالي عندي يالغالي . أنـا ..
يابعد من قام عندي ومن قعــد ..
تحت أمـرك يا حبيبي .. كلنـا ..
لك غلا في خافقي مالة عـدد
فاق بالحسبة حدود حسـابنا
![ أحــــب منهـــو احبــــهـ ]!
إلى مني قلت بنسى عشرتك ياهوى الملتاع ،،
عــرض لـي مـعــافــي يــرفــع الـصــوت ويـشـيـلـه...
يغني طرب ((أيـــــــــــوووووه قــلـبـي عـلـيـك إلـتـاع))
وأكــمـــل مــعـــاه
((( مـــااااايــحــتــمــل غـيـبـتـك لــيــلــه))) ..!!!
![ أحــــب منهـــو احبــــهـ ]!
? أنــا هنـــت؟؟؟?
طوفتــها مرة ومرة ومليوووون ..
أقوووول غالي والبـلا ماتعلّمت..!
قلت الحبيب يمون ويمون ويمون ...!
واشوووف من عقب الميانة , أنا هنت؟؟؟
ويـن المحبة والغــلا وكل مضمون؟؟
شان الزمن فجأة او انت الذي شنت؟؟
مادام هذي خاتمتــها .. على هووون..
بانســاك ياللي كل حبي أنا .. (كنت..!)

![ أحــــب منهـــو احبــــهـ ]!
اجمل الكلمات هي حكي العيون..
واجمل اللحظات لحظاتي معاك..
كل ماقالوا حبيبك من يكون..
قلت من هو غير هالواقف هناك..
قاسي بطبعه ولكنه حنون..
من بني آدم لكنه ملاك..
يجرح..وجرحي من يدينه يهون..
ياحبيبي لاتضيعك الظنون..
ولاتضيعني عسى عمري فداك..
غصب عنّي صارت عيونك تمون..
وين ماسافرت يلحقني غلاك..
سقتني للموت ودروب الجنون..
واصبحت دنياي من بعدك هلاك..
ذبت كلّي في مظاليل الجفون..
وانتهى عمري بدون وابتداك..
يابعدهم في وجودك وش يبون.؟!
بلّغ العالم ترى ماابي سواك..
انت بس وكلهم مايقدرون..
نور عيني مايشوف الا حلاك..
منهو مثلك في سواليف العيون.؟!
وانت اذا سولفت تاخذني معاك



وبسسس


أتمنى تلقون اللي ترسلونه

لكل من مر من هنا


تحيتي ,:,

الـجُـــــــــــــودِدِي ,.








الموضوع الأصلي : مجموعة sms مختلفـه // المصدر : منتديات أحلى حكاية // الكاتب: βṜỚớĐ


توقيع : βṜỚớĐ






كِلّـيْ فِيْ هُــدوْئِيْ , , في جِنُــونِيْ ‘ ‘ فِيْ صِفَـآتِيْ | م ع ج ز هـ |


18.12.09 11:53
المشاركة رقم:
.مشــرفـة ســآبـقـة.


إحصائية العضو

عدد المساهمات : 567
نقاط عضويتـك : 814
التــقيـيـم : 26
انثى
الـمزآج : D
الأوسمــة :
مُساهمةموضوع: رد: مجموعة sms مختلفـه


مجموعة sms مختلفـه


ياحبيلتس
تم اللطش
مشكووره على جهودتس




الموضوع الأصلي : مجموعة sms مختلفـه // المصدر : منتديات أحلى حكاية // الكاتب: تـξـبت أنسے


توقيع : تـξـبت أنسے





05.01.10 14:02
المشاركة رقم:
عضــو جديـد

avatar

إحصائية العضو

عدد المساهمات : 16
نقاط عضويتـك : 66
التــقيـيـم : 1
الـمزآج : D
الأوسمــة :
مُساهمةموضوع: رد: مجموعة sms مختلفـه


مجموعة sms مختلفـه


ماشاءالله شكلي بروح اجيب قهوه واجلس عليه جلسه طويله من قصرهـ

يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..

^
^
وهذي اول وحده لطشتها


يسلمووو خيتوو وربي يعطيك العافيه




الموضوع الأصلي : مجموعة sms مختلفـه // المصدر : منتديات أحلى حكاية // الكاتب: .. ريفا ..


توقيع : .. ريفا ..





05.01.10 21:59
المشاركة رقم:
.مشــرفـة ســآبـقـة.

avatar

إحصائية العضو

عدد المساهمات : 351
نقاط عضويتـك : 429
التــقيـيـم : 10
انثى
الـمزآج : D
My MMS :
الأوسمــة :
مُساهمةموضوع: رد: مجموعة sms مختلفـه


مجموعة sms مختلفـه


يسلموو جوجو

يعطيج 1000 عافيه عالمسجات الحلوه




الموضوع الأصلي : مجموعة sms مختلفـه // المصدر : منتديات أحلى حكاية // الكاتب: ..مالها حل..


توقيع : ..مالها حل..







أشوقك يللي هناك وقف مكانك..


18.09.10 2:29
المشاركة رقم:
عضــو تحـت الأنــظـآر

avatar

إحصائية العضو

عدد المساهمات : 299
نقاط عضويتـك : 302
التــقيـيـم : 2
انثى
الـمزآج : D
الأوسمــة :
مُساهمةموضوع: رد: مجموعة sms مختلفـه


مجموعة sms مختلفـه


يسلمووووووو
ياكل الذوق




تحياتي




الموضوع الأصلي : مجموعة sms مختلفـه // المصدر : منتديات أحلى حكاية // الكاتب: أميرة الرومانسيه


توقيع : أميرة الرومانسيه






مع السلامه


هانت كلهاااا كم يوم وتنسوني



Mad Mad Mad


27.11.10 16:58
المشاركة رقم:
 
 

avatar

إحصائية العضو

عدد المساهمات : 409
نقاط عضويتـك : 414
التــقيـيـم : 1
انثى
الـمزآج : عاشقه
الأوسمــة :
مُساهمةموضوع: رد: مجموعة sms مختلفـه


مجموعة sms مختلفـه


ذوووق
تحياتي




الموضوع الأصلي : مجموعة sms مختلفـه // المصدر : منتديات أحلى حكاية // الكاتب: AmOoŋĔ


توقيع : AmOoŋĔ








الــرد الســـريـع
..





تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة