من عز نومي صحيت وشفت في عيني
دمع تهادى على جفني وانا غافي
سترت دمعي بكمي قبل يغريني
واخذت هذا الجسد من باقي لحافي
وسريت تايه ورى خطوات رجليني
لا الوجه وجهي ولا الاوصاف اوصافي
امشي واقول لطريقي لا توديني
لعيون ناس تبي تدري عن الخافي
ما ودي الناس تدري وش يبكيني
كرامة النفس ورث ابوي واسلافي
امشي واحس الخناجر في شراييني
والبرد يمشي وراي وينهش اطرافي
اليـــن ما أوحيت صوت ينادينـــي
صوت اعرفه مثل ما اجهل وش خلافي
قمت أتلفــــــت وانادي لا تخلينـــــــي
ما غيره الصوت هذا صوته الدافــي
ولمحت زوله من أقصى الدرب لا فيني
مدري وش أقول؟ لكن حي هالا في
تعال شف غيبتك كيف اثرت فيني
تعال شفني وانا اغرق عقب مجدافي
تعال واقطف بصوتك زهرة سنيني
كل المواعيد عقبك شمعها طافي
تعال وش فيك خايف! انت ناسيني
قطعت صوتي عليك وطال ميقافي
حتى بديت أشعر ان الحب معميني
وان انت حلم عثى فيني وانا غافي
بصدق الحلم واحــــذر لاا تصحينــي
في خاطري كلمتين ان قلتها كافي
امانة الله عليك ان غبت عن عيني
لا يكون قلبك مثل قلب الزمن جافي
مع كل دمعه تذكر رعشة يدينـــي
ومع كل ضحكة تذكر قلبي الوافي
منقووووووووووول
من عــــز نوومــي..!
02.06.10 2:10
موضوع: من عــــز نوومــي..! 
