واحد هو الحزن لو كثرت وجيه الليال !
.. ياوقت لاتقفل أبوابك عليّ و تشين
حظي يدينه قصيره والاماني طوال !
.. والريح عن عالي أفكاري مـ تبّت يدين !
ناديت صدفه تهاوت بي بيوتٍ جزال
.. سافر لكن طريق العمر برد وحنين !
يـ الله أبفتح على سُور المقادير // فال
.. محتاج أمرر خلاله كل مابي سجين
هذا البلد : صبح كسلان... وشقاوة عيال
.. فيه البشر : يحسبون المال سحرٍ مبين
ماأقسى من إنك لأجل عينه تعاف السؤال
.. إلا الغرق في كلام الناس بأسباب دين
عطشان ياطفلة الما ياإنتعاش الزلال
.. غيمك خذلني ولالي بعد ربك معين
الهم : رحله طويله ترفض... الاختزال
.. والحب : لوحه نستها الشمس في بيت طين
وانتي مع كبريائك... نايمه بالحلال
.. وانا أقطّع ورودي ....ياتجين او تجين
ليت السما لادعيت الله تمطر.. وصال
.. ماكان جف الخفوق وصار شكلي حزين
ذنبي : زرعتك على جالي بـ لحظة زوال
.. ذنبك : رحلتي مع النسيان خلف السنين
فيني من الكادحين : الصبر والاعتدال
.. انسان قُوتي على كثر احتياجي يقين
اصحابي ان رحت عنهم صوتوا لي تعال
.. وان جيت : شبوا فوانيس الجفا مبعدين
يطردني الحكي / وأتهرب من الانفعال
.. لين أتعثر بواقع للمصالح رهين
طفلً تعودت اوزع ضحكتي ودلال
.. للناس لأشباه... تشبه ناسٍ ... للعابرين
مرّي قبل تتلف آمالي هبوب الشمال
.. بعض الغلا يذبح الرجال لو مايبين
صدري حديقه حواليها المواجع ظلال
.. عمرك سمعتي حديقه تفتقد ياسمين ؟
وسلآمتكم
ياوقت لاتقفل أبوابك عليّ و تشين..
23.11.09 17:47
موضوع: ياوقت لاتقفل أبوابك عليّ و تشين.. 
