السسلآم عليكم ورحمة الله وبركاتة
صبآحكم/مسائكم ورد وكآدي وريحانـ
ترىآ حظ الزمآن اللي معي قفا ورد الباب
دخيلك ما وقف لحظه معي حتى تناساني
وانا ما قول غير النآس.. لكني من الاغرآب
ودور شف وش اللي غير الدنيا وخلاني
انا ما خنت حبي لا والا فكرت يوم ارتاب
وانا ما قول لك نيه ولكن الزمن جاني
وقف ضدي
وقف ضدك
وضعنا والهوىآ غلاآب
وجف الورد بـ يديني وكسرني وسواني
مادمك صاين العشره معي كذاب انا كذاب
اذا قلت انك استعمرت حبي خلف جدراني
وانا ادري انك تناساني وفىآ للحب سترر احباب
وانا بدعيلك التوفيق من قلبي على لساني
حبيبي روح والله يسترك حاضر وستر غياب
عسى الله ما يعيشك الزمان اللي تبلاني
انا هين تعودت الجروح اللي بدون اسباب
تعودت الطريق اللي يوصلني لـ جثماني
ولكن كل خوفي من زمان فيه ناب وناب
اذا تسلم من الاول اكيد يضرك الثاني
حبيبي احرص على نفسك وخلي الداب للحطاب
واذا فكرت تنساني امانه لا تناساني
واذا كنت تمناني تراني لك وفىآ وعجاب
قبل..لا تنطق اسمي جيت كلي لا تمناني
وبشتاقك على كثر الغلا يوم الغلا ما جاب
وابي اتذكر سواليفك وعطر(ن) ما تعداني
وصوتك يوم صادفتك خلط ترحاب في ترحاب
وعينك كنها قبر(ن) دفني فيه حرماني
احبك.. ليه ما احبك .؟ مدام ان القلوب قراب
اشوفك.. ليه ما اشوفك.؟ مدامك عين ترعاني
اضمك ..ليه ما اضمك .؟وكلك منظر(ن )خلاب
انا وشلون اصد وصوتك ان صديت ناداني
حشى لله ما يحجبك عني لو لبست حجاب
اشوفك داخلي تمشي وكانك دم شرياني
والا يمديني ابعد عنك دام خاطري ما طاب
وابيك انت تذكر لهفتي ان طاب وامداني
وابي منك تحفظني مثل ورده في غلاف كتاب
تفتت.. ما تفتت ..كل ما تفتحه تلقاني
وانا ما توب عن حبك لو صار العظام تراب
اموت وما يموت الحب يا حب(ن) تحداني
وقولي صار مجنون و كلامه ماله اي اعراب
انا راضي جنون الحب يامرني وينهاني
انا مجنون لا تحسب على عقل الجنون حساب
انا مرفوع عني كل شيء الا انت يا داني
اكيد اضماك في قلبي مدام القلب بي ما ذاب
واذا حسيت في قلبك اكيد انك بتضماني
وانا مدري وش اللي صار بس الظن بك ماخاب
احس انك بترجعلي اذا حسيت وش جاني
كذا سوى الزمن خلى حياة العالمين احزاب
كذا سوى الزمن فيني كذا خلاك تنساني
تبي تعرف وش اكثر ما يميزني عن الغياب
اغيب وغيبتي تبقىآ وفىآ لعيون خلاني
حبيبي لا تنام اصحىآ انا بطلع ورد الباب
ولكن هاك قلبي ما رضى يتركـ وحداني ..
وسلآمتكم